上期对英超保组嘅分析中，我特别提到雷丁唔可能喺上轮主场赢热刺上岸，结果佢哋主场输波之后，依家嘅护级形势已经不容自己掌握，一旦富咸能够做客击败朴茨茅夫，佢哋喺落后富咸多达6个净胜球嘅情况下，真係唔通博佢可以大炒打比郡七、八球咩，听住降班都得啦。依家雷丁嘅唯一生路就係博富咸赢唔到波，然后自己侥幸上岸，不过当外界一致认为雷丁一定可以赢到鱼腩打比郡嘅时候，我反而对打比郡喺本季争取第2场胜利有少少信心，无他嘅，降班之前最后一个主场，点都要好好睇睇嘅，雷丁炒打比郡又有乜用啊，到头嚟都要睇富咸面色遮。呢场波雷丁先至让1指数低水或者1/1.5高水，聚都俾人聚死啦，一于继续反雷丁。至于富咸同伯明翰，其实都有一定暗涌，尤其係富咸做客传闻一心留力足总杯决赛嘅朴茨茅夫，大热嘅话唔一定可以赢波，咁样一嚟如果出现雷丁同富咸都做客赢唔到嘅话，就六国大封相咯。总体而言，保组3支球队从盘路讲，雷丁最危险。
    榜首两强都让到超晒盘，比较而言做客嘅曼联好难大炒韦根，而车路士面对保组成功嘅保顿，或有赢两球以上可能。本轮众多无关痛痒赛事中，较为睇好利物浦执番个尾彩，做客热刺至少唔会输波。热刺拿到下季欧协杯资格后已经一直放软晒手脚，最尾一轮，唔相信佢哋可以得起心肝抵抗利物浦。

    周中欧冠，曼联同车路士双双杀入决赛，将本季余下英超同欧冠嘅冠军悬念，全部集中在红蓝之争上。最后两轮英超，两队分别轮流主客出击，本周首先曼联主场而车仔做客，由于赛程安排上不利于曼联，佢哋喺周六早场就要上阵，喺朗尼、维迪、艾弗华三名球员伤势未明朗嘅情况下，实在好难寄望曼联可以大炒韦斯咸3球以上。同样地，车路士对于英超冠军争夺嘅欲望究竟有几大，佢哋係咪真係寄希望曼联会喺韦斯咸同韦根身上失分呢？我觉得车仔球员更加重视嘅，係佢哋嘅第一个欧冠奖杯，英超除非出现奇迹，否则佢哋只不过配合着某些机构，在增加所谓嘅悬念遮。甚至更加有可能，车仔本周就赢唔到纽卡素，而末轮曼联同样做客韦根嘅“菜地”球场失分，最终曼联依然只係凭借净胜球优势夺冠。因此对于红蓝两队嚟讲，本周末都宜追打。
    保组悬念同样亦应该维持，由于本轮富咸大战伯明翰，因此末轮做客打比郡嘅雷丁，本轮一定唔可能过早上岸，主场对住热刺，因为形势嘅因素，雷丁竟然作出让步，捧热刺好路。事实上热刺喺最近虽然未赢过，但4连平显示佢哋唔轻易输波，本轮为咗末轮英超保组大戏着想，一定唔会放生雷丁。而爱华顿如今同维拉亦只係3分嘅差距，本轮两队一赢一输嘅话，又使联赛第5名悬念保持，爱华顿做客阿仙奴，又係冇运行咯。

   夹喺两场欧冠半决赛之间嘅“天王山战役”，相信车路士同曼联都唔会全力去搏喇，迪维斯上轮第88分钟嘅入球，令车路士基本睇唔到冠军嘅希望，即使赢咗曼联，仍然要对手喺未来两场对战韦斯咸同韦根嘅赛事中失分，先有后来追上嘅机会，实际上已经不太可能。从周中欧冠睇，虽然两队都做客和到波，拿到先手之利，不过曼联没有取得客场入球，形势不如逼和利物浦1比1嘅车路士，因此曼联此战一定亦会派上唔少后备，而为咗能够在下周中主场多一啲后手嘅准备，相信佢哋亦唔会搏尽，天王山之战，蓝军主场嘅跨季不败金身，可以继续保持。
    同样嘅道理适用于利物浦，怀斯嘅乌龙令佢哋喺同车路士嘅淘汰赛中落于下风，为咗能够让更多嘅球员以充足嘅体能迎接次回合硬战，利物浦本轮亦一定唔会去马，佢哋嘅第4名已经十拿九稳，唔使戒意去争呢一日之长短。伯明翰如今形势不妙，本战势必搏命，利物浦无论出咩人都会惊受伤，畏首畏尾下有机会成全伯明翰主场赢波。

    欧冠下周中展开4强会战，由于本轮车路士做客爱华顿一役已经提前至周四晚上进行，使得利物浦嘅备战同休息时间，足足比车仔少咗差唔多两日。利物浦如今喺英超基本已经攞定第4，可以叠埋心水喺欧冠赛场，因此本轮做客保组球队富咸，红军输埋都唔出奇。事实上，中意轮换嘅宾尼迪斯此战一定会让众多大将休息，虽然佢哋嘅后备球员此前曾经喺酋长球场逼和过有半数主将上阵嘅阿仙奴，不过由于当时阿仙奴嘅心态亦係集中在欧冠，其争胜战意，无法与此战嘅富咸相比。本季富咸演出一直令人失望，主场威力亦不强，但係毕竟嚟到最后几轮，喺上场做客击败雷丁后，唔排除富咸负隅顽抗，利物浦球员一定唔想受伤，呢场波心态上亦必然留力，富咸应可不败。
    韦根上轮做客车路士幸运地攞到1分，但其保组前景仍不乐观，以上轮开始形成嘅保组球队临场大热走势睇，韦根此役人气度一定爆灯，热刺多轮不胜兼客场赢球率低，喺实力占优嘅情况下却成为不太受人关注嘅球队，0指数实在好路，信热刺至少喺JJB球场止跌。