当一场比赛係许胜不许败，就绝对唔使怀疑球员嘅斗心，好似曼联喺欧联四强赛次回合将士用命，一举淘汰巴塞，红魔鬼气势迫人，其实踢呢场比赛嘅心态同踢决赛一样，主场焗攻开正红魔鬼个瓣，依家成班进攻球员副偈挞著晒，一定要趁早争取入多两球波以免夜色長梦多，同埋减轻后防压力。
对于近三次对阵赢晒曼联嘅韦斯咸，其实今季一早就喺二月尾赢够分之后结束，「锤仔帮」今季攻防都明显比上季进步，但係因为无欲无求，球员心理上完全放松而导致近期表现起伏不定，心态同曼联各走极端，加上整体实力同状态都冇得挥，红魔鬼轻取韦斯咸都冇乜悬念。
