喺英超开锣日畀我最大惊喜嘅首推曼城，好多人对主帅艾历臣只有不足一个月时间去砌一支新球队，对默契及备战状态深存怀疑，加上曼城热身赛发挥飘忽，球员心理压力好大，但係佢地成功将压力变成动力，作客砌低韦斯咸整体默契效果理想，路兰度比安基、马田柏杜夫、保积洛夫等攻击球员个人能力强劲，返番主场要入波冇问题。当然升班马打比郡迫和朴次茅夫亦交足功课，但係球队内具有征战英超经验嘅球员唔多，作客就好蚀底。